عشقتك ليه : بقلم الشاعرة / نورا صادق

عشقتك ليه
.............
بتقولي عشقتك ليه
سؤال صعب ان ارد عليه
مش عارفه عشقتك ليه
أقول يمكن عشان
قبلك كتير ضليت
وتهت فى زحمه الدنيا
وفات طيفك وليه حنيت
أقول يمكن لقيت
فى عنيك دنيايا
بنظرة واحدة هدتني
زرعت الحب جوايا
أقول يمكن مشاعري
مالها نهايه!!!
عشقتك نجم
فى سما عاليه
لانوارها بقيت
ملهوفه
سنين العمر من قبلك
قضيتها كلها فى خريف
وحبك جاني بربيعه
يمحي كل كدب وزيف
عشقتك لحن أتغني
سكن جوايا مطلعش
وبدل دمي في وريدي
وطهر نفسي من نفسي
وشفتك ايد وخداني
لانيا طيبه وطاهرة
تعلمني الهوي تاني
علي جاهلي تكون
صابرة
أقولك تاني عن حالي
في بعدك ايه بيجرالي
بقيت
لانا نايمه ولا صاحيه
ب أسي كل دقه قلبي
وأواسي بالبكا جراحي
عشقتك ليه
أقولك أيه ولا أيه
سؤال؟
صعب أرد عليه
معرفش!!
عشقتك ليه
ولا ليه
*****
خواطر
نورا صادق