**حديث الفي ** بقلم الاستاذة انصاف عبد الباقي

حديث الفي

تعالي عالفي
بدي شوفك
جنب المي
ونحكي ونحكي
شوي
يلي شعرك
شعرخيل
وأنفاسك مسك
بهيل
ساكنة القلب
وشاعلة نار
ذبتي وذوبتي حجار
بكفي دلال
خبيتك بعيوني
بخاف عليك يحسدوني
وياخذوك مني
ويغدروني
بنت الشمس إنت
أو بنت القمر
أو بنت الفي
ركعت وصليت
لأجلك وبحبك جنيت
تعالي نهرب
لا تقولي لا
يا قنديل عشقي
رح ابعثلك إسمي
وإنت اسقي
من شريان قلبي
خليتيني من العاشقين
وبعتمات الليالي
عيوني سهرانين
بعد نجوم وبغلط
وبرجع من الأول
عد نجوم
أخذت قلبي وعقلي
وصرت بلا جفون
ربنا رحيم بكل العباد
إنت ما بترحمي
عاشق
تحت النجوم مركون

     انصاف عبدالباقي
       سوريه